ខែនេះនាយ ចឺម និង លក្ខិណា សម្រេចក្តីសុបិនទិញផ្ទះតម្លៃរាប់ម៉ឹនដុល្លារ
ក្នុងខែនេះ មានតារាខ្មែរពីររូបហើយ គឺនាយ ចឺម និងកញ្ញា ថន លក្ខិណា ដោយបានចំណាយប្រាក់រាប់ម៉ឺនដុល្លារពីការងារសិល្បៈ មកទិញផ្ទះតម្លៃម៉ឺនៗដុល្លារ។
ថ្មីៗនេះនាយចឺម បានប្រមូលប្រាក់ប្រមាណ ៥ម៉ឺនដុល្លារ ដែលគ្រោងនឹងទិញវីឡា បានយកទៅសាងសង់ផ្ទះថ្មយ៉ាងស្កឹមស្កៃជូនឱពុកម្តាយនៅខេត្តកំពង់ស្ពឺ ហើយនឹងរួចរាល់ក្នុងពេលឆាប់ៗខាងមុខ។
ចំណែកថ្លៃបរិក្ខារតុបតែងក្នុងផ្ទះ លោក ឈុន សុវណ្ណភក្តី ដែលជាអ្នកចាត់ការទូទៅប្រចាំផលិតកម្ម BKS និងជាបងប្អូនធម៌តែមួយគ្មានពីររបស់នាយ ចឺម ជាអ្នកជួយផ្គត់ផ្គង់បន្ថែម ក្រែងខ្វះខាត។
ដោយឡែកសម្រាប់កញ្ញា ថន លក្ខិណាឯណេះវិញ កាលពីព្រឹកមិញ បានឡើងវីឡាដ៏ធំស្កឹមស្កៃដែលជាក្តីស្រមៃរបស់ខ្លួនជាយូរ ដែលមានទីតាំងនៅបុរីប៉េង ហូត ទល់មុខសាលាកសិកម្មព្រែកលៀប ឯថ្លៃចំណាយខាងសាមីខ្លួនមិនបានបញ្ជាក់ច្បាស់ពីតួលេខ គ្រាន់តែដឹងថាចំណាយដល់ទៅខ្ទង់សែនដុល្លារឯណោះសម្រាប់ថ្លៃផ្ទះនិងការតុបតែងខាងក្នុង។
ក្រោយបង្ហោះរូបវីឡាដ៏ស្កឹមស្កៃនៅលើបណ្ដាញសង្គម មិត្តភក្តិសិល្បៈជាច្រើនបានចេញជួយអបអរសាទរនាងដល់លក្ខិណា និងបានជូនពរឲ្យរកស៊ីទទួលទានមានបានក្នុងទ្រនំដ៏ស្កឹមស្កៃមួយនេះ៕
ប្រភព៖Ankgorpost
Comments
Post a Comment